Vdiq një prej gorillave më të vjetra në botë

Kopshti Zoologjik në San Diego të Kalifornisë në SHBA, njoftoi të premten, që Vila, që u lind në Kongo më 1957, vdiq e rrethuar nga ekipi kujdestar

Një prej gorillave më të vjetra në botë ka vdekur në moshën 60-vjeçare.

Kopshti Zoologjik në San Diego të Kalifornisë në SHBA, njoftoi të premten, që Vila, që u lind në Kongo më 1957, vdiq e rrethuar nga ekipi kujdestar.

Ajo ishte “kryefamiljare” e pesë gjeneratave, transmeton Albinfo.ch.

“Kanë mbetur shumë pak gorilla të kësaj moshe”, ka thënë Peggy Sexton, një nga kujdestarët në këtë kopsht zoologjik. Gorillat zakonisht jetojnë mes 35 dhe 40 vjetëve.

Gorilla më e vjetër në botë që jeton nën kujdesin e njerëzve besohet të jetë 61-vjeçarja, Trudy në Arkansas.