Maqedonia, mes vendeve që presin mbështetjen zvicerane

Bashkëpunimi mes Maqedonisë e Zvicrës dhe procesi i integrimit evropian, veçanërisht në drejtim të zgjerimit të Strategjisë së Komisionit Evropian për Ballkanin Perëndimor, ishin temat kryesore të takimit mes zëvendëskryeministrit për çështje evropiane, Bujar Osmani dhe ambasadores zvicerane në Maqedoni, Sybille Suter Teada, përcjell albinfo.ch.

Osmani ka shprehu mirënjohjen për mbështetjen e vazhdueshme të Zvicrës për Republikën e Maqedonisë në drejtim të mbështetjes politike për perspektivën evropiane të vendit, si dhe një nga donatorët më të rëndësishëm të vazhdueshëm bilateral.

Zëvendëskryeministri i Maqedonsië theksoi se është me rëndësi të madhe që Maqedonia edhe më tej mbetet mes vendeve prioritare për marrjen e mbështetjes zvicerane dhe shpreson se, sipas marrëdhënieve të ndërsjella të mira, kjo mbështetje do të vazhdojë edhe në të ardhmen.

«Strategjia e re e Qeverisë së Zvicrës në Maqedoni për periudhën 2017-2020 është një vlerë e shtuar në procesin e reformës, për shkak se ajo siguron mbështetje në shumë fusha të rëndësishme, të tilla si demokracia, punësimi, zhvillimi ekonomik, infrastruktura dhe mjedisi», tha Osmani.