Një drogë vrasëse arrin në Zvicër

Të gjithë janë të paralajmëruar: disa amfetamina që janë shkaku i dhjetëra vdekjeve në mbarë botën janë identifikuar edhe në Bernë më 1 qershor.

Ne nuk mund të parashikojmë shkallën e shpërndarjes së kësaj pilule, por nga përvoja ne mund të themi se kjo lloj substance psikoaktive qarkullon shpejt në gjithë vendin, sidomos në verë apo gjatë festave. “Amira Belkaïd ka hedhur alarmin dje para festave të fundjavës. Koordinatore a aksionit “Nata e Bardhë”, e cila mbikëqyr dhe këshillon festuesit e natës në Gjenevë për konsumim të alkoolit, ose për përdorimin e drogës paralajmëron ardhjen e një substance të re në Zvicër. Një e parë në historinë e parandalimit të shoqatës të themeluar në vitin 2005.

Agjencia nacionale për sigurimin shëndetësor (Anses) ka njoftuar të enjten për mediet zvicerane se dy raste vdekje nga sulmet e zemrës janë regjistruar. Këto dy raste mund të jenë të lidhura me konsumin e pijeve energjetike. Në Francë, pasi që këto substanca stimuluese janë vendosur nën mbikëqyrjen e agjencisë Anses në vitin 2008, 24 raste të dyshuara janë raportuar, thotë gazeta “Le Figaro”. Konsumi i këtyre të fundit bëhet edhe më i rrezikshëm kur përzihen me alkool. Kokteje shumë të adhuruara në klubet e natës.

Rrezik nga stërkonsumi

Një test i kryer të premten e kaluar në Bernë me një pilulë, e vulosur me shenjën nr 1, zbuloi praninë e substancës para methoxy metamphétamine (PMMA). Kjo është alarmante, duke pasur parasysh se kjo molekulë është më e fuqishme se eustazitë që gjendën në treg. Efektet e saj janë të ngadalshme, prandaj edhe përdoruesit e përzien me produkte të tjera për ta shpejtuar efektin.

Mbi tridhjetë raste fatale

Në të dyja rastet komplikime serioze mund të ndodhin. “Simptomat janë ato të dehjes dhe intoksikimit me amfetaminë”, thotë profesori Jacques Diezi, specialist në toksikologji në Universitetin e Lozanës. Reagimet negative mund të shkojnë nga ethet te koma me vdekje.

Sipas toksikologëve, më shumë se tridhjetë vdekje, të gjitha që lidhen me përdorimin e PMMA-së, janë regjistruar gjatë muajve të fundit në botë. Agjencia “Nata e Bardhë” rekomandon kujdes të madh ndaj kësaj substance dhe këshillon mospirjen e saj.