Edhe Roma pritet të ndalojë veturat me naftë

KEYSTONE

Ndalimi i veturave me naftë në Gjermani ka shkaktuar reagime të shumta. Megjithatë, qytetet gjermane këtë vendim nuk pritet ta ekzekutojnë menjëherë.

Ndalimi i veturave dizel është bërë për shkak të ndotjes së ambientit, përcjell albinfo.ch.

Edhe kryeqyteti italian, Roma, pritet që deri në vitin 2024, të ndalojë veturat me naftë të qarkullojnë në qytet.

Rreth dy të tretat e 1.8 milionë veturave të reja të shitura në Itali vitin e kaluar ishin me naftë, sipas shifrave të industrisë.

Roma nuk ka industri të mëdha, kështu që gati të gjithë ndotjen e ajrit në kryeqytetin italian e shkaktojnë automjetet motorike.

Përveç çështjeve shëndetësore, ndotja nga motorët me djegie shkakton dëme të mëdha në monumentet e shumta antike të Romës në natyrë.

Sipas një studimi të vitit të kaluar nga një degë e ministrisë së kulturës, 3.600 monumente guri dhe 60 skulptura bronzi rrezikojnë të përkeqësohen seriozisht për shkak të ndotjes së ajrit.