Futboll

Xhudo, sporti numër një në Kosovë

Ndërkohë, është bërë edhe kategorizimi i sportistëve. E para ndodhet Majlinda Kelmendi më 100 pikë për shkak të medaljes së artë olimpikë që e ka fituar

E mërkurë, 7 Mars 2018 - 22:00 albinfo.ch

Komiteti Olimpik i Kosovës (KOK), ka bërë kategorizimin e sporteve, sportistëve dhe trajnerëve, shkruan albinfo.ch.

Kategorizimi i sporteve është ndarë në katër grupe. Në kategorinë A janë përfshirë sportet si xhudo, futbolli, karate, hendbolli, basketbolli dhe volejbolli. Ndërkaq, sportet si atletikës, boksit, notit, ping-pongut, skijimit, tenisit dhe peshëngritjes janë përfshirë në kategorinë B.

Sipas rregullores kategorizimi i sporteve bëhet në katër kategori. Në kategorinë A, sipas dokumentacioneve dhe kritereve që kanë ardhur në Komitetin Olimpik të Kosovës, komisioni e ka përcaktuar Federatën e Xhudos së Kosovës ka marrë 83.1 pikë, Federata e Futbollit të Kosovës 77.37, Federata e Karatesë së Kosovës e treta 70.79, Federata e Hendbollit të Kosovës 67.80, Federata e Basketbollit të Kosovës 66.90, Federata e Volejbollit të Kosovës 65.94.

Në kategorinë e dytë janë: Federata e Atletikës 56.74 pikë, Federata e Boksit të Kosovës 51.55, Federata e Notit të Kosovës 50.03, Federata e ping-pongut të Kosovës 47.99, Federata e Skijimit të Kosovës 47.69, Federata e Tenisit të Kosovës 46.01, Federata e Peshëngritjes së Kosovës 45.10.

Ndërkohë, është bërë edhe kategorizimi i sportistëve. E para ndodhet Majlinda Kelmendi më 100 pikë për shkak të medaljes së artë olimpikë që e ka fituar, Distria Krasniqi, sportiste ndërkombëtare me 45 pikë, Nora Gjakova sportiste ndërkombëtare 40 pikë, Akil Gjakova, sportist ndërkombëtar me 37.5 pikë, Lorjana Kuka, sportiste ndërkombëtare me 20 pikë, Laura Fazlija, sportiste ndërkombëtare me 10 pikë, Shpat Zeka, sportist ndërkombëtar me 10 pikë.

Ndërkaq, Herolind Nishevci, sportist i klasit botëror ka fituar 60 pikë në sportin e karatesë. Tek sporti i budibuldingut janë përfshire Jetmir Koqi, sportist botërore me 35 pikë e Gentiana Beqa, sportiste botërore me 30 pikë. Driton Kuka, si trajner i sportistëve të mëdhenj si Majlinda Kelmendi, Distria Krasniqi, Nora Gjakova e Akil Gjakova, më të cilët preku majat e sukseseve, ka tubuar në total 131.5 pikë. Në këtë kategorizim janë përfshirë edhe Shqipe Zogiani, trajnerë e karatesë 30 pikë, Burim Ramiqi, trajner i budibulldingut 17.5 pikë dhe Dren Beqa, trajner i budibullidingut 15 pikë.

Drejtuesit e KOK-ut thanë se janë munduar të bëjnë në mënyrën më të mirë të mundshme kategorizimin e sporteve, sportistëve e trajnerëve, por sipas tyre, ka mundur edhe të ketë ndonjë gabime, por ata u zotuan se me rekomandimet e federatave sportive, sportistëve dhe trajnerëve mund të përmirësohen gabimet eventuale.

KATEGORIZIMI I SPORTEVE

Kategoria “A”