Gjykata në Panama vendos kundër Trumpit

Gjatë kësaj jave disa punëtorë zhvendosën emrin e presidentit të SHBA-së nga një hotel, “Trump Ocean Club” në Panama City, pasi që organizata e presidentit amerikan humbi kontrollin ndaj administrimi të pronës në një rast të ashpër komercial.  

Orestes Fintiklis, partner menaxhues në kompaninë “Ithaca Capital” dhe pronar i hotelit Trump, i cili ishte në proces gjyqësor me menaxhmentin e Organizatës Trump, ka thënë se gjykata i dha fund betejës, përcjell albinfo.ch.

“Siç kuptohet, ky është rast krejtësisht komercial. Dhe, në fund gjykata e dha fjalën e saj. Sot Panamaja ka dëshmuar se ka institucione stabile, ku respektohet sundimi i ligjit dhe korniza ligjore për investuesit. Sot, edhe investitorëve u është kthyer besimi në shtet”, tha ai. As Organizata Trump, as autoriteti legal panamez nuk kanë komentuar për rastin. Presidenti amerikan e kishte inauguruar këtë hotel në vitin 2011, 6 vjet para se të hynte në Shtëpinë e Bardhë.