Buhler: Akuzave të Marty-t u mungojnë dëshmitë

"Kosova nuk është vend i krimit, përkundrazi vërehen përmirësime dhe se jeta për qytetarët pa dallim është normalizuar dukshëm"

„Për akuzat duhen dëshmitë, kurse derisa ato nuk ekzistojnë gjërat mbeten vetëm thashetheme dhe të pabaza, ndërsa individi mbetet i pafajshëm” ka thënë komandanti i KFOR-it në Kosovë, Erhard Buhler. Në këtë mënyrë ai ka komentuar raportin e anëtarit të Asamblesë Parlamentare të Këshillit të Evropës, Dick Marty.

Buhler, në një takim me gazetarë në Mitrovicë ka potencuar se Kosova nuk është vend i krimit, përkundrazi vërehen përmirësime dhe se jeta për qytetarët pa dallim është normalizuar dukshëm.

Sipas tij, do të ketë reduktim të trupave të KFOR-it në mbarë vendin, e po ashtu edhe në pjesën veriore të Kosovës, duke precizuar numrin e tyre prej 5 deri në 6 mijë pasi ky numër do të jetë në gjendje të trajtojë çështjen e sigurisë në mënyrë shumë të mirë.