Luksemburg, për një orë fitojnë sa në Ballkan për një ditë

Në Evropën Perëndimore banorët mesatarisht fitojnë tetë euro në orë në emër të pagës minimale. Kryeson Luksemburgu me 11.55 euro

Foto ilustrim

Liderë në botë,  kur është fjala për pagën më të lartë minimale, janë Australia, Luksemburgu, Zelanda e Re, Franca dhe Holanda.

Instituti i BE-së për Hulumtime Ekonomike dhe Sociale në raportin e tij të marsit 2018 thekson se në fillim të këtij viti rritja mesatare e pagës minimale evropiane prej 4.4 për qind u regjistrua në shtetet anëtare të Bashkimit Evropian, shkruan albinfo.ch.

Niveli më i lartë i të ardhurave minimale jashtë Evropës është në Australi, me 12.42 euro në orë. Në Evropën Perëndimore banorët mesatarisht fitojnë tetë euro në orë. Kryeson Luksemburgu me 11.55 euro, ndërsa në Belgjikë, paga minimale është 9.47 euro në orë, shkruan albinfo.ch.

Grupi i dytë i vendeve janë ato me një pagë minimale prej tre deri në pesë euro në orë, duke përfshirë Slloveninë (4.84 euro), Spanjën (4.46 euro), Maltën (4.31 euro), Portugalinë (3.49 euro ) dhe Greqisë (2.3 euro).

Në grupin e tretë janë vendet e Evropës Lindore, ku pagat minimale janë nën tre euro në orë – Bullgaria 1.57, Turqia 2.53, Ukraina 0.74 dhe Moldavia 0.68 euro.