Kosova
Qeveria e Zvicrës dha pëlqimin për fillimin e pagesës së pensioneve të kosovarëve
Kjo gjë u bë e mundur pasi që Këshilli Federal miratoi sot Marrëveshjen për Sigurimet Sociale me Kosovën dhe autorizoi presidentin Alain Berset e për ta vënë atë në fuqi me nënshkrimin e tij
Këshilli Federal (Qeveria e Zvicrës) në mbledhjen e sotme ka vendosur: kosovarët që kanë punuar në Zvicër dhe pastaj janë kthyer për të jetuar në Kosovë, do t`i marrin pensionet e tyre të moshës e trashëgimisë si dhe ato të invaliditetit edhe atje. Kjo gjë u ishte pamundësuar që nga 1 prilli i vitit 2010, shkruan albinfo.ch.
Kjo gjë u bë e mundur pasi që Këshilli Federal miratoi sot Marrëveshjen për Sigurimet Sociale me Kosovën dhe autorizoi presidentin Alain Berset e për ta vënë atë në fuqi me nënshkrimin e tij. Termini për nënshkrimin nga ana e tij ende nuk është caktuar.
Por, marrëveshja fillon të realizohet në praktikë pasi ta kenë miratuar dy parlamentet e vendve përkatëse.
Siç thuhet në një komunikatë të Departamentit të Punëve të Brendshme të Zvicrës (EDI) për nga përmbatja kjo marrëveshje është e njëjtë me ato që Zvicra ka të nëshkruara me vende tjera të botës, përcjell albinfo.ch. Ajo bën koordinimin në veçanti të pensioneve të moshës dhe të trashëgimisë (AHV) dhe të atyre të invaliditetit (IV) me shtetet me të cilat funksionon.
Marrëveshja më e re, ajo me Kosovën mundëson pagesën jashtë vendit, të pensioneve për qytetarët e Kosovës. Ajo përfshin një klauzolë për mbështetje të ndërsjellë në luftimin e abuzimit të sigurimit.
Kosova është shteti i vetëm i dalë nga Ish Jugosllavia me të cilin Zvicra deri tash nuk ka pasur marrëdhënie kontraktuale në sferën e sigurimeve sociale, shkruan albinfo.ch. Kjo nënkupton që shtetasit e Kosovës që kanë punuar në Zvicër, nuk marrin pensione dhe sigurime tjera sociale nga Zvicra në rast se kanë vendosur të jetojnë në Kosovë.
Duke nisur nga viti 2010, Kosova e ka zhvilluar ligjshmërinë në sferën e sigurimeve sociale dhe ka ngritur një infrastrukturë përkatëse, thuhet në komunikatën e EDI-t. Këshilli Federal në dhjetor të vitit 2016 i kishte dhënë Departamentit të Brendshëm një mandat për fillimin e negociatave lidhur me marrëveshjen e re. Negociatat janë përmbyllur në qershor të vitit 2017.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h