“Izolohet” Rusia: BE, SHBA, Kanada dhe Shqipëria dëbojnë diplomatët rusë

Sëpaku 19 shtete, mes tyre 15 anëtarët e BE, SHBA dhe Kanada, Ukraina dhe Shqipëria kanë vendosur të dëbojnë diplomatët rusë pas akuzave ndaj Moskës për helmimin e spiunit të dyfishtë rus në Londër, Sergei Skripal.

Kordinimi ka ardhur pas bisedimeve mes SHBA, Francës dhe Gjermanisë, ndërsa “Bild” sqaronte prej sot në mëngjes që perëndimi përgatitej të dëbonte diplomatët rusë. Më parë këtë veprim kishte marrë Britania e madhe duke larguar të 23 diplomatët.

Moska reagon, Londra përshëndet

“Ky akt jo miqësor nga ky grup i shteteve nuk do shkojë pa konsekuenca. Ne do reagojmë,” thanë nga ministria e jashtme ruse.

Në anën tjetër kryeministrja britanike, Theresa May, ka përshëndetur aksionin e shteteve tjera.

“Ne e mirëpresim aksionin e sotëm të miqve tanë, që demonstron qartë se ne qëndrojmë krah për krah dhe i lëshojmë sinjal të qartë Rusisë, që nuk mund të vijojë të shkelë ligjet ndërkombëtare,” tha ajo, informon albinfo.ch.

Britania ka dëbuar 23 diplomatë rusë, SHBA 60 sosh përfshirë edhe 12 oficerë të intelegjencës që punonin në kuadër të OKB në Nju Jork si dhe ka mbyllur konsulatën në Seattle.  Nga Shqipëria gjashtu janë larguar dy diplomatët rusë.