Tematike
Shtëpitë e pleqve në presion financiar: Reduktojnë personelin e kualifikuar
Në 299 nga 1552 shtëpitë e pleqve, sa janë gjithsej në Zvicër, viteve të fundit kujdestarët e diplomuar janë zëvendësuar me punëtorë ndihmës e të pakualifikuar
299 shtëpi për strehimin e të moshuarve gjatë katër viteve të fundit kanë reduktuar dukshëm personelin e kualifikuar. Dhe kjo ka ndodhur në një kohë kur ky personel duhej të shtohej, nisur nga fakti se është duke u rritur numri i të moshuarve që vendosen në këto shtëpi vetëm pasi të jenë bërë raste të rënda që kërkojnë trajtim komplet. Shpeshherë ata janë edhe me çrregullime mentale.
Por siç del nga verësimi që u është bërë 1552 shtëpive të pleqve, sa janë gjithsej në Zvicër, viteve të fundit në shumë prej tyre, kujdestarët e diplomuar janë zëvendësuar me punëtorë ndihmës e të pakualifikuar. Kështu, gazeta “SonntagsZeitung” shkruan se niveli i cilësisë ka rënë dukshëm në 299 shtëpi të tilla, ose në çdo të pestën shtëpi pleqsh në Zvicër.
Bazuar në deklarimin e vet atyre, 100 shtëpi kanë reduktuar gjatë pesë viteve të fundit në mes 20 dhe 50 për qind të personelit të tyre, transmeton albinfo.ch. Dhe këtë e kanë bërë në të shumtën e rasteve pa pasur ndonjë ndryshim relevant në intensitetin e përkujdesjes së banorëve të tyre. Me fjalë tjera: banorët kishin njësoj nevojë të pazvogëluar për përkujdesje.
Pasojat për pleqtë dhe për personelin, janë fatale, shkruan gazeta. Shumë nga kujdestarët e përshkruajnë punën e tyre si jashtëzakonisht stresuese. Në vend të përkujdesjes për pleqtë, kjo gjendje i shkatërron ata. Dhe këtu është në fuqi ligji i më të fortit, përcjell albinfo.ch. Ata të moshuar që janë më të shkathtë dhe ende të fortë, marrin edhe ndihmë dhe përkujdesje, ndërkohë që më të dobëtit janë ata që vuajnë.
Sipas drejtorit të Curaviva, që është bashkësia e të gjitha shtëpive të pleqve në Zvicër, ekziston një nevojë emergjente për veprim. Shumë nga shtëpitë ndodhen nën presion financiar. Politika duhet të veprojë urgjentisht për të parandaluar vënien në pyetje të sigurisë së përkujdesjes në të ardhmen.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Deputetët e Gjenevës shprehen kundër dhënies së të drejtave të plota politike për të huajt Banorët e vjetër të qytetit dhe kantonit më ndërkombëtar të Zvicrës tashmë kanë të drejtë të...
-
SBB aktualisht nuk shet bileta për biçikleta për udhëtime jashtë vendit
-
Stuhia e vitit të kaluar në La-Chaux-de-Fonds shkaktoi 120 milionë franga dëme
-
Kaosi i tifozëve të Servette në ndeshjen e futbollit, i dyshuari mund të akuzohet
-
Dëmtimi i bustit të Skënderbeut në Gjenevë, reagon Ambasadori i Shqipërisë