Trump paralajmëron sulme ndaj Sirisë, “Rusi bëhu gati”

Ashtu siç pritej, presidenti amerikan Donald Trump ka paralajmëruar sulme raketore në drejtim të Sirisë, pasi regjimi i Assadit përdori sulm kimik ndaj civilëve në Duma ku mbetën të vrarë sëpaku 42 persona. “Rusi bëhu gati,” shkruajti Trump. Raketat po vijnë.

“Rusia ka bërë me dije se do sulmojë çdo raketë drejt Sirisë. Rusi, bëhu gati, sepse ata po vijnë, të reja, të mira dhe shumë “intelegjente”! Ti nuk duhet të jesh partnere me Vrasësin KAFSHË, që vret popullin e tij me gaz dhe kënaqet,” shkruajti Trump, informon albinfo.ch.

Trump kishte paralajmëruar të hënën se vendimi do merrej në 24 deri 48 orët e ardhshme. Vendimi amerikan pritet të ketë mbështetje nga Franca dhe Britania e Madhe.

Rusia ka kundërshtuar një ndërhyrje ushtarake nga jashtë në Siri. Kjo pritet të tensionojë ndjeshëm marrëdhëniet mes Rusisë dhe perëndimit.