Gjysma e serbëve do ta njihnin pavarësinë e Kosovës

Gjysma tjetër do të dëshironte që Kosova të kthehet brenda kufijve të Serbisë, ndërsa 10 për qind mendojnë se për Kosovën duhet luftuar. Çdo i dyti qytetar i Serbisë mendon se pavarësia e Kosovës është një realitet me të cilin Serbia duhet të pajtohet, thotë sondazhi i realizuar nga Fondacioni Friedrich Ebert Stifftung, Qendra për […]

Gjysma tjetër do të dëshironte që Kosova të kthehet brenda kufijve të Serbisë, ndërsa 10 për qind mendojnë se për Kosovën duhet luftuar.

Çdo i dyti qytetar i Serbisë mendon se pavarësia e Kosovës është një realitet me të cilin Serbia duhet të pajtohet, thotë sondazhi i realizuar nga Fondacioni Friedrich Ebert Stifftung, Qendra për Zgjedhje të Lira dhe Qendra për Studime të Demokracisë Sociale, transmeton zhurnal.mk mediet serbe

Sipas këtij sondazhi, vetëm gjysma e qytetarëve të Serbisë dëshirojnë që Kosova të kthehet brenda kufijve të Serbisë, si krahinë e saj autonome. Po ashtu, bëhet e ditur se vetëm 10 për qind e të anketuarve mendojnë se për Kosovën duhet luftuar.

Më shumë se një e treta e qytetarëve të Serbisë mendojnë se serbët janë përgjegjës për luftërat e viteve të 90-ta të shekullit të kaluar po aq sa edhe popujt të tjerë, ndërsa 12 për qind e tyre mendojnë se serbët janë më pak fajtorë, kurse 16 për qind se ata nuk janë fajtorë fare.

Sondazhi po ashtu bën të ditur se qytetarët e Serbisë kanë qëndrim refuzues ndaj boshnjakëve dhe kroatëve, e sidomos ndaj shqiptarëve.