Lirohen mjekët nga akuza për vdekjen e pacientes

Janë liruar një kryemjek anesteziolog dhe një kryemjeke e gjinekologjisë, të akuzuar në lidhje me rastin e vdekjes së një pacienteje në spitalin e Wilit (SG). Gruaja 34 vjeçare kishte vdekur pas lindjes së dështuar së foshnjës së saj në vitin 2007.

Gjykata e Qarkut e Wilit i ka liruar dy mjekët e përmendur nga akuza për vrasje nga pakujdesia. Kryetarja e trupit gjykues në fjalën e hapjes ka thënë se dy kryemjekët nuk kanë bërë një neglizhim të tillë të punës së tyre  që do të çonte në vdekjen e pacientes.

Bartëse dhe marrëse e vendimeve ka qenë mjekja kryesore e Klinikës së Gjinekologjisë, ka shtuar ajo. Mjekja në fjalë është dënuar në qershor. Vendimet e fundit ende nuk janë të plotfuqishme. Prokuroria e përgjithshme e ka lënë të hapur nëse do ta kalojë rastin në Gjykatën Kantonale ose jo.