Mustafi kushton 35 milionë euro

Arsenali cakton çmimin për futbollin shqiptar, i cili po kërkohet nga disa skuadra

Ndërrimi i trajnerit tek Arsenali mund t’i kushtojë mbrojtësi shqiptar, Shkodran Mustafi.

Ai erdhi me bujë nga Valencia në vitin 2016, por mund të largohet në këtë verë, shkruan albinfo.ch.

Sipas mediave angleze, skuadra angleze ka kërkuar 35 milionë euro për futbollistin shqiptar, i cili po kërkohet nga disa skuadra.

Roma, Juventus, Dortmund, Schalke dhe Everton kanë shfaqur interesin për ish-mbrojtësin e Sampdorias.

Mustafi ka kontratë me Arsenalin deri qershor të vitit 2021.