Nga viti 2019, procedurat e shkurtuara të azilit, shtrihen në gjithë vendin

Procedura e shkurtër e azilit, është duke u testuar në Cyrih që nga viti 2014, në kuadrin e një qendre testuese federale në këtë qytet. Dhe, siç konstaton Këshilli Federal përvojat në këtë drejtim janë të mira

Blick auf das Bauprojekt Bundesasylzentrum auf dem Duttweiler-Areal, aufgenommen am Mittwoch, 30. November 2016 in Zuerich. Ueber den Bau im Jahr 2018 wird das Volk im Herbst 2017 abstimmen. (KEYSTONE/Ennio Leanza)

Duke filluar nga 1 marsi i vitit 2019, në gjithë territorin e Zvicrës do të hyjnë në fuqi procedurat e shkurtuara të azilit. Këtë vendim e ka marrë dhe e ka publikuar sot Këshilli Federal.

Procedura e shkurtër e azilit, është duke u testuar në Cyrih që nga viti 2014, në kuadrin e një qendre testuese federale në këtë qytet. Dhe, siç konstaton Këshilli Federal përvojat në këtë drejtim janë të mira, thuhet në një komunikatë të lëshuar nga qeveria e vendit.

Kështu, procedurat e azilit në kushtet e reja kanë rezultuar për një të tretën më të shkurtra në krhasim me të mëparshmet, transmeton albinfo.ch. Veç kësaj, si rezultat i këtyre procedurave, është shtuar trefish numri i azilkërkuesve që janë treguar të gatshëm të kthehen vullnetarisht në vendet e tyre të prejardhjes, kanë ardhur në përfundim ekspertët. Po ashtu numri i ankesave të azilkërkuesve ka shënuar rënie për një të tretën.

Zviceranët me të drejtë vote, në qershor të vitit 2016 kishin votuar me një shumicë prej 66 për qind për shkurtimin e procedurave të azilit.