Alfred Heer i SVP-së mund të mbetet pa imunitet

Heer kishte deklaruar se “të rinjtë nga Tunizia vijnë në Zvicër me qëllimin e paracaktuar për tu bërë kriminelë"

Komisioni për imunitete i Parlamentit të Zvicrës duhet të marrë një vendim, nëse do t`i hiqet imuniteti ose jo deputetit nacional nga SVP-UDC-ja, Alfred Heer. Imuniteti i deputetit Heer rrezikohet për shkak se ndaj tij është ngritur një denoncim penal për diskriminim të mundshëm në bazë race. Deri në fund të vitit pritet të merret një vendim gjyqësor për politikanin e SVP-UDC-së.

Kryetari i komisionit për imunitete Heinz Brand, që vjen po ashtu nga SVP-UDC e ka konfirmuar një njoftim të publikuar në 20minutenonline, që bën fjalë për këtë çështje. Sipas tij, prokuroria e përgjithshme e kantonit të Cyrihut e ka bërë një kërkesë të tillë.

Kallëzimi penal që i është bërë Heer-it ka të bëjë me një deklarim të tij në një emision televiziv në “Tele Züri”. Ai me atë rast kishte thënë se “të rinjtë nga Tunizia vijnë në Zvicër me qëllimin e paracaktuar për tu bërë kriminelë.