Maqedonia heq doganat për veturat e importuara nga BE-ja

Kjo masë vlen edhe për prodhimet e metalit, mineralet, metalet, veshjet, makineritë, mobiliet etj. kryesisht nga BE

Nga fillimi i këtij viti nuk do të paguhet doganë për veturat dhe prodhimet e tjera të importuara nga BE-ja. Kjo masë vlen edhe për prodhimet e metalit, mineralet, metalet, veshjet, makineritë, mobiliet dhe prodhimet e tjera kryesisht nga BE.

Qytetarët që do të sjellin nga jashtë prodhimet e këtyre kategorive, duke filluar nga autoveturat e reja apo të vjetra nuk paguajnë doganë. Tarifat doganore do të vazhdojnë të bien gjatë vitit 2011 edhe për prodhimet tjera, në përputhje me Protokollin që Maqedonia ka nënshkruar me Organizatën Botërore të Tregtisë (OBT).