Maqedonia
Sa janë çmimet e banesave në Shkup?
Apartamentet në qendër të qytetit ku çmimet shkojnë nga 1,050 deri në 1,250 euro i blejnë sipërmarrësit, menaxherët dhe të huajt që punojnë në Maqedoni
Nuk ka krizë për tregun e pasurive të patundshme në Maqedoni. Trendi i ndërtimit të apartamenteve që është vazhdimisht në rritje në vitet e fundit do të vazhdojë edhe këtë vit, si dhe vitin e ardhshëm.
Stabilizimi i situatës politike dhe zgjidhja e mosmarrëveshjes së gjatë me emrin pritet të sjellë një valë shtesë të investimeve në sektorin e banimit. Analiza e kompanisë konsulente, të pasurive të patundshme Forton Maqedoni, tregon se kërkesë më të madhe për apartamente do të vazhdojë të ketë në Shkup. Në periferi, megjithatë, ekziston një mungesë e hapësirës banesore dhe mungojnë investimet në pasuri të patundshme, raporton “Alsat”.
Deri në fund të vitit 2019 pritet të përfundojë ndërtimi i 4,471 banesave në vend. Sipas analizës, bankierët, programuesit dhe punonjësit në administratën shtetërore kryesisht blejnë apartamente në lagjet e qytetit, si Aerodrom dhe Karposh, ku çmimet shkojnë nga 850 deri në 1.100 euro për metër katror. Apartamentet në qendër të qytetit ku çmimet shkojnë nga 1,050 deri në 1,250 euro i blejnë sipërmarrësit, menaxherët dhe të huajt që punojnë në Maqedoni, përcjell albinfo.ch.
Por, përveç apartamenteve, ndërtimi i qendrave tregtare do të intensifikohet në vitet e ardhshme. Tre qendrat e reja tregtare të paralajmëruara për t’u ndërtuar do të kenë një sipërfaqe prej 103,500 metra katror për dhënie me qira. Shumica e tyre do të përqendrohen në Shkup.
Deri në fund të vitit pritet të përfundojë ndërtimi i 31.000 metra katrorë, hapësira për zyre. Çmimi mesatar i qirasë është nga 11 në 15 euro për metër katror në qendër të Shkupit.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm