Arrihet marrëveshje për njohjen e patentë shoferit mes Maqedonisë dhe Gjermanisë

Megjithatë nevojitet që të ketë vendqëndrim në Gjermani, së paku 180 ditë.

“Alsat” mëson se është arritur marrëveshje mes Republikës së Maqedonisë dhe Gjermanisë për njohjen dhe ndërrimin e patentë shoferëve.

Përmes kësaj marrëveshje pala maqedonase ka për qëllim për të thjeshtësuar procedurën në vijim, përcjell albinfo.ch.

Personi i cili posedon patentë shoferi të lëshuar nga organet federale të Gjermanisë, në çdo kohë pas arritjes në territorin e Maqedonisë do të mund ta ndërroj patentë shoferin pa pasur nevojë ta përsërisë pjesën teorike apo praktike të provimit për shoferë.

Procedurë thuajse e njëjtë është edhe me palën gjermane, kështu që personi i cili posedon patentë shoferë të lëshuar nga organet kompetente të Maqedonisë nëse ka pasur ose do të ketë vendqëndrim në Gjermani mundet në çdo kohë pas arritjes në Gjermani ta ndërroj patentë shoferin e tij të lëshuar nga autoritetet maqedonase me atë të Gjermanisë. Megjithatë nevojitet që të ketë vendqëndrim në Gjermani, së paku 180 ditë.