Shkurt.ch

Alarmante: Shtatë bujq zviceranë të vdekur vetëm në qershor

Në qershor të vitit 2017, dy fermerë vdiqën në punë. Gjatë këtij qershori deri më tani janë shtatë të vdekur, ndërsa muaji ende nuk ka përfunduar

E martë, 26 Qershor 2018 - 18:44 albinfo.ch

Qendra zvicerane e këshillimit për parandalimin e aksidenteve në bujqësi është duke u munduar të gjejë arsyen e aksidenteve në bujqësi. Një arsye për këtë, sipas drejtorit menaxhues Thomas Frey, është se fermerët janë gjithnjë e më të stresuar.

Është sezoni i ngjitjes në Alpe. Fermerët, kafshët, kostumet tradicionale – çfarë romantike zvicerane, çfarë festash!

Por kjo periudhë e ka edhe anën e saj të keqe në bujqësinë zvicerane: Edhe aksidentet të cilët janë të shpeshtë, mu në këtë periudhë janë me rrezikshmëri të lartë.

“Kemi përjetuar një numër të madh aksidentesh gjatë javëve të fundit”, thotë Thomas Frey (49), drejtor menaxhues i Qendrës këshillimore për parandalimin e aksidenteve në bujqësi (BUL) në gazetën bujqësore “Schweizer Bauer”. BUL për aksidentet bazoher sipas raporteve të mediave dhe raporteve nga policia dhe prokurorët.

Ja edhe shifrat e tmerrshme: Në qershor të vitit 2017, dy fermerë vdiqën në punë. Gjatë këtij qershori deri më tani janë shtatë të vdekur, ndërsa muaji ende nuk ka përfunduar. Një nga shembujt më dramatik: Javën e kaluar, një person (61) nga Diemtigtali i Bernës u fut nën një qerre bujqësore dhe humbi jetën.

Cilat janë arsyet për rritjen e numrit të aksidenteve, parashtron pyetjen “Blick”, përcjell Albinfo.ch? “Periudha e korrjes në muajin qershor është një temë e shpeshtë”, pohon Frey. “Përveç kësaj, kishim një pranverë të lagshtë, kështu që puna me makinat bujqësore në shpatet e pjerrët është veçanërisht e vështirë”. Por, është e vështirë që të gjendet shkaku i aksidenteve për një arsye të vetme.

Në përgjithësi, mund të thuhet se stresi psikologjik dhe stresi në bujqësi, gjatë viteve të fundit janë rritur. Në këtë kontekst gjithashtu tragjik: Numri i vetëvrasjeve në këtë fushë është rritur për vite me rradhë.

“Në përgjithësi, midis 30 dhe 40 aksidente fatale ndodhin mesatarisht çdo vit”, thotë Frey. Por Frey është duke u angazhuar lidhur me këtë tema: BUL mban rregullisht kurse trajnimi. Ai gjithashtu publikon rregullisht temat e fundit në revista të specializuara. Shembull i fundit: Një artikull mbi trajtimin e duhur të shkallëve që aktualisht nevojiten për mbledhjen e qershive.