Përplasën sërish në Kuvend Basha e Balla

Kreu i PS-së Taulant Balla dhe ai i PD-së, Lulzim Basha sërish janë fjalosur mes vete në lidhje me sekuestrimin e 3.4 milionë eurove në dy vetura ‘Toyota Yaris’ në portin e Durrësit.

Sekuestrimi i 3.4 milionë eurove në dy vetura ‘Toyota Yaris’ në portin e Durrësit është rikthyer si çështje në Kuvendin e Shqipërisë, duke përplasur sërish kryetarin e PD-së, Lulzim Basha dhe deputetin e PS-së, Taulant Balla.  

Kreu i grupit të PS-së, Balla, akuzoi Bashën se ka takuar vëllain e dy personave që janë shpallur në kërkim të policisë.

“Asnjëherë nuk do ta harroj pa përmendur fjalën e z. Topall që thoshte ‘ky të rren edhe kur e pyet sa është ora’. Ti ke treguar se burrëri fjale nuk ke. Balili në 2009-2011 ka qenë kandidati yt, i PD-së”, ka thënë Balla.

Ka reaguar Basha, duke e quajtur deputetin socialist “derrkuc i Toyota Yaris”. ”Derrkuci i Toytoa Yaris më akuzon mua se kam dalë me vëllain e personave që u dyshuakan se janë para të Toyot-s.

Ju keni vëllain e trafikantit të dënuar ministër të Brendshëm. Hani darka dhe dreka me të.

Merreni dhe arrestoni nëse është i dyshuar. Derrkuci i Toytoa Yaris, garanti i parave të pista të drogës dhe nja dy të tjerë që nuk qenkan në sallë këtu, jeni të përgjuar nga shërbimet partnere.

Nuk keni për t’i shpëtuar dot kësaj”, ka thënë Basha në reagimin e tij.