Kosova
Mediat prestigjioze të huaja shkruajnë për vdekjen e Demaçit
Për vdekjen e tij kanë shkruar edhe “The New York Times” dhe “Washington Post”
Jo vetëm mediat vendore, dhe ato shqiptare kanë shkruar për vdekjen e Adem Demaçit, i cili ndërroi jetë dje.
Për vdekjen e tij kanë shkruar edhe “The New York Times” dhe “Washington Post”, përcjell albinfo.ch.
Adem Demaçi, një mbrojtës i të drejtave të njeriut që mishëroi rezistencën kombëtare të Kosovës dhe shpesh quhej “Mandela i Ballkanit”, ka vdekur në moshën 82 vjeçare.
Kështu fillon shkrimin “The New York Times”, duke shtuar se ka qenë nënkryetari i Kuvendit, Xhavit Haliti ai që ka ndërprerë seancën e parlamentit të ditës së enjte për të kumtuar lajmin se ka vdekur Adem Demaçi, duke thënë se “mësuesi jonë, burri që kaloi 28 vjet në burgjet e Serbisë, ka ndërruar jetë”.
“Parlamenti në Prishtinë ka mbajtur një minutë heshtje dhe ka pezulluar seancën”, shkruan tutje ky medium.
Më pas “The New York Times” jep një biografi të shkurtër të Demaçit, duke thënë gjithashtu se presidenti Thaçi ka shpallur tri ditë zie.
Gjithashtu edhe “Washington Post” shkruan për vdekjen e Demaçit, i cili ishte për 28 vjet në burg për Kosovën.
Adem Demaçi do të varroset të shtunën me ceremoni shtetërore.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse