Shaqiri dhe Mandzukic përballen me ndjekje penale?

Salutimi „ushtarak“ në ndeshjen e FC Bayernit kundër FC Nürnbergut i futbollistëve Mandzukic dhe Shaqiri duket se do t`u kushtojë atyre edhe me ndjekje penale! 

Prokuroria kompetente e Nürnbergut është duke e shqyrtuar aktualisht mundësinë për të ngritur padi kundër sulmuesit kroat të Bayernit Mandzukic. Sipas shpjegimit të prokurorisë, përshëndetje me krahun e ngritur dhe me shuplakën e mbështetur në ballë, që e kanë bërë Mandzukic dhe pas tij edhe Shaqiri, mund të konsiderohet edhe si përshëndetje hitleriane (!) dhe, në Gjermani ndalohen me ligj përshëndetjet e tilla.

Nga ana tjetër, mediet i ikanë cilësuar këto përshëndetje si mënyrë festimi për lirimin nga burgu i Hagës, i dy gjeneralëve kroatë të luftës.

Por Mandzukic ka ngulur këmbë se fjala ka qenë vetëm për një festim të golit të shënuar dhe asgjë nuk ka pasur të bëjë me politikën. “Unë vetëm kam përshëndetur Kroacinë dhe ua kam bërë me dorë fansave”, ka thënë ai.

Sidoqoftë, Mandzukicit dhe Shaqirit u është tërhequr vërejtja nga Federata e Futbollit të Gjermanisë që në të ardhmenn të “heqin dorë nga festimet në fjalë për të evituar interpretimet e gabuara”.