Dy të vdekur në aksident trafiku në Shqipëri

Një aksident tragjik ka ndodhur mbrëmë në autostradën Lezhë-Shkodër, ku kanë mbetur të vdekur dy të rinj. Policia e Shqipërisë njofton se aksidenti ka ndodhur mbrëmë rreth orës 01:40,  në vendin e quajtur “Ura e Dajçit”.

“Automjet tip “Benz” me targa AA 929 FF, me drejtues 32-vjeçarin Gentian Toma, banues në Mabë, Lezhë, ka goditur nga mbrapa mjetin tip “IFA” me targa LE 3364 A, që drejtohej nga një 19-vjeçar. Për pasojë kanë humbur jetën drejtuesi i mjetit “Benz”, Gentian Toma dhe pasagjeri, po në këtë mjet, 25-vjeçari Robert Ejlli, banues në Mabë, Lezhë”, thuhet në njoftimin e policisë.

Ndërsa një aksident i rëndë ka ndodhur në mëngjesin e sotëm në rrugën Lushnje-Rrogozhinë, ku një automjet ka dalë nga rruga. Në këtë aksident është lënduar një vajzë 8-vjeçe, e cila është në gjendje kritike.