AKU paraqet kushtet skandaloze të restoranteve në Jug të Shqipërisë

Autoriteti Kombëtar i Ushqimit gati në fund të sezonit turistik ka dalë më të dhëna për higjienën e restoranteve në Jug të Shqipërisë e që të dhënat nuk janë aspak të mira.

Në njoftimi për mediat që ka dërguar AKU theksohet se janë mbyllur disa restorante për mungesë të kushteve higjiene-sanitare.

“Gjatë aksionit që AKU po ushtron në zonat bregdetare, trupa inspektuese DRAKU, Vlorë ka bllokuar 2 subjekte, me aktivitet “Restorant” dhe “Bar-Piceri” ku kryenin veprimtari në kundërshtim me standardet e sigurisë ushqimore si dhe në kushte të rënda higjieno-sanitare. Ndërsa një tjetër subjekt me aktivitet “Restorant” është goditur nga AKU për shkak se tregtonte produktin “Dater” ose ndryshe “midhja hurmë”, tregtim i cili nuk lejohet sipas legjislacionit në fuqi”, thuhet në njoftim.

Po ashtu theksohet se edhe dy lokale tjera janë mbyllur në Vlorë e Ksamil për kushte të rënda higjieno-sanitare.

Shumica e pronarëve të lëtyre lokaleve janë dënuar me gjobë deri në 100.000 lekë.