Për shkak të një romance, largohet nga puna shefi i qendrës së azilit

Një udhëheqës i Qendrës federale të azilit "Ziegler" në Bernë, kishte filluar një marrëdhënie me një zyrtare tjetër të azilit

Jeta e përditshme në një qendër azili federal mund të jetë e ashpër. Janë lëshuar vendime të reja. Ata vendosin nëse ndokush do të merr azil apo jo? Nuk është një punë e lehtë për nëpunësit civilë. Megjithatë, Sekretariati shtetëror për migrim (SEM) krenohet me “profesionistë e saj në veprim”.

Por, një nga udhëheqësit e Qendrës federale të azilit “Ziegler” në Bernë, nuk ka qenë edhe aq shumë profesional. Nënkryetari i kësaj qendre kishte filluar një marrëdhënie me një zyrtare tjetër të azilit. Në një njoftim të shkurtër, ai është larguar nga vendi i punës, përcjell albinfo.ch.

Selia në Wabern, në afërsi të Bernës e ka konfirmuar romancën. Nga atje kanë pohuar se “Bëhet fjalë për një bashkëpunëtor të SEM-it, i cili kishte deri në fund të vitit 2017 kishte mbajtur funksionin e një udhëheqësi të departamentit. Për shkak të një përshkallëzimi të konfliktit dhe për shkak të një situate të jashtëzakonshme të personelit, ai është larguar nga detyrat e tij”.

Në funksionin e tij, ai kishte të bëjë për aplikimet për çështje azili. Në ndërkohë, atij iu dha një funksion tjetër. Aktualisht ai nuk paraqitet në punë, shkruan “Blick”, përcjell Albinfo.ch.

Për azilkërkuesit, rregullat e institucionit përcaktojnë rregullat e vlefshme të lojës. Megjithatë, të dy zyrtarët e azilit, nuk i kanë respektuar rregullat. Sipas të brendshmëve, ai nuk ka dashur të kuptojë se situata ishte e padurueshme. Ishte një marrëdhënie varësie që ekzistonte. Të dashuruarit kishin nevojë urgjente për të ndryshuar gjerat brenda administratës.

Mësohet se ende nuk janë iniciuar procedura disiplinore. Sipas Qendrës federale të azilit “Ziegler”, shefi i saj nuk ka kryer ndonjë vepër penale. Zyrtarisht, autoritetet e migrimit nuk e komentojnë rastin.

Mes zyrtarëve, çështja ka qenë temë e bisedës për javë të tëra. Gjendja në qendër gjithsesi është nevrike. SEM do të riorganizohet tërësisht. Qindra të punësuar do të duhet të ndryshojnë vendin e tyre të punës dhe ndoshta duhet edhe të zhvendosen.