Pilotja e parë japoneze për avion luftarak

Në Japoni për herë të parë një pilote femër certifikohet për të fluturuar me avion luftarak F-15.

Togerja 26-vjeçare, Misa Matsushima, me detyrë në Forcat e Armatosura të Mbrojtjes Ajrore të Japonisë, ka marrë certifikatën për përdorimin e avionit luftarak pas përfundimit të trajnimit të fluturimeve me F15.

Matsumisha është femra e parë që ka fituar të drejtën e pilotes për avion luftarak në historinë e vendit.

Ndërkohë, njoftohet se pilotja do të jetë me detyrë në njësinë 5 të Bazës Ajrore Nyutabaru në rajonin Miyazaki, në jug të vendit.

Kjo njësi shërben për ndërhyrje të menjëhershme ndaj avionëve që hyjnë pa leje në hapësirën ajrore të Japonisë.

Ministria e Mbrojtjes synon të dyfishojë numrin e anëtarëve të stafit femra që punojnë në njësitë ushtarake, duke hequr kufizimet në fushat e punës së grave.