Ka abuzuar me ndihmat e papunësisë, nëna e pesë fëmijëve mund të dëbohet nga Zvicra

Ajo është dashur të kthehet më herët në Kosovë, por kjo nuk ka qenë e mundur për shkak të shtatëzanive të saj. Bashkëshorti i saj nuk ishte larguar: I dëbuar për pesë vite, ai u kthye sërish në vitin 2016 në kuadër të bashkimit familjar

Një nënë shqiptare mund të dëbohet në Kosovë pasi shfrytëzoi entin e papunësisë në mënyrë të padrejtë.

“Nuk më shkoi mendja se mund të dëbohem. E bëra për të ndihmuar familjen time”. Shqiptarja nga Kosova me inicialin S. nuk mund të injoronte atë që po e priste, pasi ajo tashmë ishte dënuar dy herë për mashtrime sociale. Në vend që të paguajë shumat e pranuara gabimisht, kjo nënë tridhjetëvjeçare e pesë vajzave të moshës prej 1 deri në 11-vjeçare, nga enti i papunësise ka marrë shumën prej 7.153 frangave për tre muaj, përderisa në të njëjtën kohë ka punuar. “E kisha ndërmend të informoj më vonë”, ka pohuar të enjten S. para Gjykatës së Lozanës.

Ky është një mashtrim shumë i rëndë: Ligji parashikon dëbimin e detyrueshëm. Për më tepër, ajo është dashur të kthehet më herët në Kosovë, por kjo nuk ka qenë e mundur për shkak të shtatëzanive të saj. Bashkëshorti i saj nuk ishte larguar: I dëbuar për pesë vite, ai u kthye sërish në vitin 2016 në kuadër të bashkimit familjar. Familja tashmë ka marrë gjithsej 240.000 franga ndihma sociale. Kësaj duhet shtuar edhe 57.000 franga nga aktet e mëparshme të fituara padrejtësisht.

“Dënimi i parë nuk ka ndikuar shumë”, pohoi kryesuesi i Gjykatës, shkruan “20 Minutes”, përcjell Albinfo.ch. E pandehura, e cila në Zvicër është duke jetuar për 19 vite dhe këtu i ka edhe prindërit e saj, ka deklaruar se nuk ka familje tjetër në Kosovë. “Kjo nuk është rast i ashpërsisë që parashihet nga jurisprudenca”, ka pohuar prokurori Sebastien Fetter. “Ajo ishte në dijeni të shkeljes së ligjit, por interesin e saj e vuri në plan të parë”. Ai kërkoi gjobë ditore prej 360 mëditjeve, duke përfshi këtu edhe dënimet e kaluara dhe kërkoi dëbimin e saj nga Zvicra. Prokurori gjithashtu ka potencuar se fëmijët e saj të mitur nuk do tu nënshtrohen vuajtjeve pas largmit të saj në Kosovë.

Pala mbrojtëse, dënimin e ka vlerësuar si të ashpër. Vendimi gjyqësor do të dërgohet me shkrim.

---