Opozita në Shqipëri sërish do ta bojkotojë Kuvendin 

Opozita në Shqipëri do të bojkotojë punimet e Kuvendit edhe këtë javë ndërsa kanë marrë vendim që të mblidhen në Durrës.

Opozita po kërkon që kuvendi të miratojë ligjin për vettingun e politikanëve që është kundërshtuar nga pozita me arsyetimin se ai është i pa nevojshëm. 

Kreu i PD-së, Lulzim Basha ka thënë se shumica e qytetarëve e përkrahin vettingun me ligj për politikanët dhe zyrtarët e lartë të lidhur me krimin e organizuar dhe të korruptuar.

“Shqiptarët duan që vettingu në politikë të ndodhë. Shqiptarët kërkojnë që të mos ketë kriminelë dhe politikanë të lidhur me krimin në Kuvend dhe qeveri. Kam marrë me mijëra mesazhe nga njerëzit që mbështesin për ta çuar deri në fund këtë proces. Kemi mbështetjen e shoqërisë. Shqiptarët kërkojnë ndarjen përfundimtare të politikës nga krimi”, ka thënë ai.

Nisma për vettingun në politikë është një nga 4 shtyllat e platformës së përbashkët të opozitës.

---