Nga 17 shtatori nis pagesa për kalimin në Rrugën e Kombit

Ministria e Infrastrukturës dhe Energjisë e Shqipërisë ka publikuar videon informuese me detajet e tarifimit dhe kategoritë që përfitojnë reduktime për kalimin në Rrugën e Kombit.

Tarifa për kalimin e automjeteve në autostrada Milot –Morinë do të jetë 660 lekë ose 5 euro. Për banorët e Qarkut Kukës kjo tarifë është e reduktuar në 100 lekë me TVSH, përcjell albinfo.ch.

Për çdo kalim deri në 44 kalime tarifa është 100 lekë, ndërsa  tarifat variojnë sipas llojit të mjetit; motoçikletat dhe automjete me tri rrota do të paguajnë 330 lekë, përjashtim bëjnë banorët e Qarkut Kukës, të cilët do ta kenë tarifën 50 lekë.

Automjete komerciale me dy akse dhe 6 rrota (1.90 m dhe 2.70 m) do të paguajnë 1490 lekë. Aty theksohet se ata që kalojnë më shumë se 20 ose 30  herë përfitojnë zbritje nga 10 deri në 30 për qind. Pagesa për kalim në Rrugën e Kombit nis nga data 17 shtator.