Në Kosovë bëhen homazhe për viktimave të 11 shtatorit

Qeveria e Kosovës, ka organizuar homazhe në nder të viktimave të 11 shtatorit 2001.

Ambasadori amerikan, Greg Delawie, ka thënë se i vlerëson homazhet që po bëhen në Kosovë për nder të viktimave të 11 shtatorit.

“Kjo ngjarje ka prekur tërë botën dhe që atëherë qytetarët e Kosovës kanë qëndruar me ne dhe ne e vlerësojmë mbështetjen e vazhdueshme të qytetarëve të Kosovës”, tha Delawie, përcjell albinfo.ch.

Kryeministri i Kosovës, Ramush Haradinaj, Haradinaj theksoi se Kosova dhe Amerika do të jenë gjithmonë bashkë. Qeveria ka miratuar Propozim-vendimin për vendosjen e Memorialit të përhershëm në oborrin e Qeverisë, në shenjë nderimi për jetët e humbura të tragjedisë së 11 shtatorit në SHBA. Presidenti Hashim Thaçi tha se sulmi i 11 shtatorit në SHBA ishte kundër vlerave perëndimore të civilizimit dhe tërë botës demokratike. Ai thotë se Kosova gjithmonë është munduar të japë kontributin e saj në luftën kundër fundamentalizmit, ekstremizmit dhe terrorizmit.

Kurse kryetari i Kuvendit, Kadri Veseli, tha se sulmi ishte mbi vlerat civilizuese dhe provë mbi botën demokratike për t’iu përgjigjur një fryme, e cila ka qenë çnjerëzore.