Topalli akuzon Bashën se e shiti partinë

Ish-nënkryetarja e PD-së dhe ish-kryetarja e Kuvendit, Jozefina Topalli, ka kërkuar që në mënyrë urgjente të reformohet Partia Demokratike ose të krijohen forca të reja politike.

Në një intervistë për “Panorama”, ajo e sheh situatën në vend si dramatike, pa qeveri dhe opozitë dhe ka bindjen se kryeministri Edi Rama dhe kreu i opozitës, Lulzim Basha, vijojnë paktin mes tyre, përcjell albinfo.ch.

Topalli tha se njerëzit e kanë humbur tashmë besimin te Basha, pasi ky i fundit e shiti PD-në për disa drejtori dhe për 14 milionë euro.

“Çështja e humbjes së besimit ndaj Lulzim Bashës është shumë më e gjerë. Rreth 250 mijë votues me votën e tyre të munguar shprehën mosbesimin ndaj Lulzim Bashës. Ata besuan se Lulzim Basha në marrëveshjen me Edi Ramën e shiti PD-në për disa drejtori me lekë dhe për 14 milionë eurot që i dha kryeministri më pas”, u shpreh Topalli.

Topalli vazhdon më tej duke thënë se sot në Shqipëri nuk qeveris as PD dhe as PS, por oligarkët dhe bandat kriminale.