LonelyPlanet: Vizitoni shtegun e ngjitjes në Korab dhe Sharr

150 kilometra të këtij shtegu shtrihen në Shqipëri, Korab-Koritnik, e pasur me florë dhe faunë të larmishme. Muajt më të mirë për të vizituar këtë ngjitje janë nga qershori në shtator, përcjell albinfo.ch.

Për të apasionuarit e sporteve alternative, tani është një distancë e gjatë ngjitjeje, e cila përfshin shumë shtete në rajonin e Ballkanit. E quajtur Shtegu i Lartë i Scardus, në bazë të emrit antik të Sharrit, ai përfshin 495 kilometra ngjitje nëpër rrugët e trekëndësisht kufitar mes Shqipërisë, Kosovës dhe Maqedonisë. Shtegu mund të përfundohet për 20 ditë, shkruan faqja e njohur turistike lonelyplanet.com.

Ngjitja fillon në jugperëndim të Maqedonisë, mes liqenit të Prespës dhe liqenit të Ohrit (njëri ndër liqenet më të vjetra dhe më të thella të Europës) dhe vijon për në Dibër te maja më e lartë e rajonit, Korabi i Madh (2764m), njëherësh edhe kufiri mes Maqedonisë dhe Shqipërisë, për të vazhduar më pas drejt Sharrit në Kosovë dhe Malin e Zi.

150 kilometra të këtij shtegu shtrihen në Shqipëri, Korab-Koritnik, e pasur me florë dhe faunë të larmishme. Muajt më të mirë për të vizituar këtë ngjitje janë nga qershori në shtator, përcjell albinfo.ch.

Projekti është financuar nga qeveria gjermane ose më konkretisht GIZ, e cila si qëllim ka rritjen e turizmit në këtë rajon mjaft piktoresk por akoma të pazbuluar.

Në këtë shteg ose pranë tij ndodhen edhe bukuritë magjepsëse si Liqeni i Gramës në Korab, Liqenet e Lurës, Ujëvara e Përroit të Thellë në Korab, Muzeu i Skendërbeut në Sinë dhe shumë bukuri dhe kështjella të ndryshme që priten të ngjallen nga pluhuri i harresës.

---