E-Diaspora
Nisma për investime në Kosovë dhe debati serioz në “Bashkësinë Shqiptare” në Delemont
Ai njoftoi për zbutjen e kësaj situate në komunën e Kamenicës që ai drejton ka punuar me përkushtim në krijimin e një agjencie të përbërë nga grupi punues, serioz që ofron mundësi për investitorë nga Zvicra
Të premten më 21 shtator në mbrëmje “Bashkësia Shqiptare” në Kantonin Jura- Zvicër në mjediset e Klubit “Konak” në Delemont mblodhi rreth vetes një grup bashkatdhetarësh dhe veprimtarësh shoqëror.
Zëri që këndelli mërgimtarët shqiptarë kësaj radhe pati jehonë falë ardhjes së kryetarit të Komunës së Kamenicës të Republikës së Kosovës, Qëndron Kastrati dhe Majlinda Krasniqi drejtoreshë në sektorin e zhvillimit dhe komunikimit me diasporën. Delegacioni ishte i shoqëruar edhe nga stafi diplomatik i Konsullatës së RP së Kosovës në Cyrih, Visar Rrecaj, Konsull si dhe Shukrije Ramadani, shkruan albinfo.ch.
Pas hapjes që iu bë tubimit nga Afrim Ramabaja, punëtor i palodhshëm dhe një shembull i shkëlqyer i integrimit në shoqërinë zvicerane, fjalën e mori Qëndron Kastrati. “Ju faleminderit! Fillimisht unë dua të ju përshëndes për pritjen dhe organizimin e kësaj mbrëmje që më jep kënaqësi të jem në mesin tuaj.
Gjithashtu, në mënyrë të veçantë falënderoj autoritetet e Kantonit Jura të cilët treguan kujdes të veçantë për pritjen e delegacionit tonë sot pas dite. E vërteta është se ndjehem krenarë dhe i emocionuar sot sepse kujtoj punën dhe djersen e madhe të bashkatdhetarëve të mi këtu larg vendlindjes. Kjo më nderon mua!
Gëzimi më i madh ishte sot kur vizituam Shkollën shqipe ku fëmijët tanë mësojnë si shkruhet dhe lexohet në gjuhën e nënës në gjuhën shqipe. Siç na informoi mësuesja Nexhmije Mehmetaj shkolla shqipe në Kantonin Jura është themeluar në vitin 1993 dhe punon pa ndërprerë nën emrin e Lidhjes së Arsimtarëve dhe Prindërve Shqiptarë “Naim Frashëri” në Zvicër”.
Më pas, Kastrati, drejtuesi i delegacionit bën debat me të pranishmit. Foli për varfërinë që ka kapluar popullin e Kamenicës, si komuna më varfër e Kosovës, për hallet e mëdha të familjeve shqiptare, për numrin e madh të papunëve sidomos rinisë shqiptare si pjesa më e çmuar e kombit.
Ai njoftoi për zbutjen e kësaj situate në komunën e Kamenicës që ai drejton ka punuar me përkushtim në krijimin e një agjencie të përbërë nga grupi punues, serioz që ofron mundësi për investitorë nga Zvicra. Qëllimet e agjencisë janë thellimi i bashkëpunimit për zhvillimin e ekonomisë dhe bizneseve me ndihmën e bashkatdhetarëve në Zvicër apo gjetiu të cilët janë edhe persona çelës për kontaktet me investitorë zviceranë. Ai foli edhe për dobinë e investimit. Kualifikim dhe shkëmbim njohurish dhe përvojash midis ekspertëve të ndryshëm nga fusha e mërgimit shqiptar; rritje e ndërgjegjësime për kërkesat e investitorëve. Krijimi i një rrjeti dhe të një baze për veprime të mëtejshme.
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve