Sport

Khabib mposht McGregor, rrahje edhe pas meçit

Rrahja vazhdoi edhe jashtë kafazit, por edhe brenda, ku u përfshin dy sportistët e njohur

E diel, 7 Tetor 2018 - 9:54 albinfo.ch

Khabib Nurmagomedov është konfirmuar kampion bote në peshën e lehtë në artet marciale mikse pas fitores në raundin e katërt ndaj Conor McGregor në eventin UFC-229 që u zhvillua në Las Vegas.

Ky ishte një duel i jashtëzakonshëm mes dy prej kampionëve dhe ikonave të këtij sporti, në një përballje në përgjithësi të dominuar nga rusi, që mbron titullin kampion të fituar në prill të këtij viti, përcjell albinfo.ch.

Megjithatë, ndeshja nuk përfundoi kur u shpall fituesi. Emocionet më të mëdha kjo sfidë i pati në sherrin e madh që u transferua jashtë kafazit nga Nurmagomedov, që pati një konflikt fizik me persona të tjerë menjëherë pas fitores.

E gjithë kjo krijoi kaos në kafaz e jashtë saj, ku u përfshinë edhe stafet e dy sportistëve e forcat e rendit, që ndërhynë për të qetësuar gjakrat, madje pati edhe goditje të dy sportistëve.

https://www.youtube.com/watch?v=CVoCIPvCuuk

Situata e tensionuar bëri që në fund të mos kishte asnjë ceremoni zyrtare për dorëzimin e gjerdanit për Nurmagomedov, që u shoqërua nga salla i rrethuar nga forcat e sigurisë dhe ato të policisë, ashtu sikurse edhe McGregor.

https://www.youtube.com/watch?v=uYjMnG03tBs