Kosova
Daçiq: Formimi i ushtrisë së Kosovës do të krijojë shqetësime
Ministri i Jashtëm serb, Ivica Daçiq është deklaruar rreth dialogut mes Kosovës dhe Serbisë pas formimit të ushtrisë.
Në një intervistë në “Tv Prva”, Daçiq ka thënë së pari se UNMIK-u nuk do të tërhiqet nga Kosova dhe se Kosova nuk do të bëhet anëtare e organizatës më të madhe policore Interpol.
Sipas tij, SHBA nuk do të ndërroj vendimin për njohjen e Kosovës, ndërsa shtoi se SHBA kanë ndryshuar qëndrim sa i përket dialogut mes këtyre dy vendeve.
Në anën tjetër ai tha se formimi i ushtrisë, do të krijoj shqetësime të mëdha.
“Nga ana tjetër unë nuk pres të përfundojë kështu kur bëhet fjalë për të ashtuquajturën Ushtrinë e Kosovës. Nga ana tjetër shihni se reagimet janë të përmbajtura, por është e qartë se kjo do të shkaktojë shqetësime të mëdha”, ka thënë Daçiq, shkruan Albinfo.ch.
Sipas tij, formimi i ushtrisë do të gjejë mospajtim me anëtaret e NATO-s.
“Besohet se formimi i të ashtuquajturës ushtri në fazën e ardhshme do të gjendet në mospajtim në vendet anëtare të NATO-s, pasi kjo do të çojë në ndryshime në konfigurimin e pranisë së KFOR-it, e cila është paraparë me Rezolutën 1244”, tha Daçiq.
Gjithashtu Daçiq ka folur edhe për negociatat mes Kosovës dhe Beogradit në Bruksel.
Ai ka thënë se nuk duhet t’i ndalë askush negociatat dhe se as ministri Popoviq as dikush tjetër nuk mund të dalë me qëndrime pa u konsultuar me presidentin serb Aleksandër Vuçiq.
“Është e sigurt se Serbia nuk ka të drejtë të ndërpresë marrëveshjet e Brukselit. Serbia duhet të jetë konstruktive dhe të bëjë përpjekje maksimale për të udhëhequr dialogun, por ka kufijtë e saj që nuk mund të kalohen, që do të thotë se nëse nuk ka marrëveshje dhe kompromis dhe dëshirë për kompromisi, Serbia kurrë nuk do të jetë nën presion për të njohur Kosovën”, ka thënë Daçiq.
Të ngjashme
Të tjera nga Kosova
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve