FC Kosova e Cyrihut në mesin e tabelës

Kosova e Cyrihut është një nga skuadrat më të suksesshme shqiptare në Zvicër. Kuqezinjtë edhe në këtë sezon po tregojnë paraqitje të mira.

Kosova në Ligën e Tretë Inter-regjionale ndodhet në vendin e gjashtë me 17 pikë të tubuara deri më tani, shkruan albinfo.ch.

Nga 11 ndeshje të zhvilluara deri më tani, ka shënuar pesë fitore, dy barazime dhe ka pësuar katër humbje, duke shënuar 25 gola dhe duke pësuar 18.

Në vendin e parë ndodhet Eschen me 24 pikë dhe Baden me 23. Pikërisht në xhiron e radhës, Kosova do të përballet me liderin.