Shisnin drogë te të miturit, arrestohen pesë persona

Policia kriminale e Welsit (Austri) ka arrestuar pesë persona të dyshuar për diler droge. Ata akuzohen se kanë shitur nëntë kilogram kanabis te adoleshentët austriakë. Gjatë bastisjes në shtëpitë e tyre ju gjet edhe sasi tjera e substancave narkotike, armë dhe para kesh, u tha në komunikatën e policisë austriake, njofton albinfo.ch.

Të arrestuarit janë 30 vjeçari nga Kosova, një 22 vjeçar nga Bosnja dhe Hercegovina, 35 vjeçari nga Maqedonia dhe dy austriakë 21 dhe 22 vjeç. Të gjithë janë dërguar përpara autoriteteve të drejtësisë në Wels.