Tematike
Familja jeton prej shtatë javësh në zonën transit të aeroportit
Cyrih/BERN - Ata kërkojnë të marrin azil në Zvicër: 20 refugjatë kurdë jetojnë prej shtatë javësh në zonën transit të aeroportit zviceran në Cyrih - të pavërejtur nga publiku, shkruan blick.ch.
Ata ndodhen në zonën e pritjes pas portës B dhe D: konkretisht bëhet fjalë për tetë burra, katër gra si dhe tetë tinejxherë dhe fëmijë – më e reja prej tyre është një vajzë një vjeçare.
Azilkërkuesit janë sjellë në hapësira pa dritare – në njërën flejnë burrat, në tjetrën gratë dhe fëmijët. Një prej tyre është gazetari turko-kurd, Mustafa Mamay. Ai më shumë shqetësohet për dy fëmijët e tij. “Ata shpesh duhet të qajnë, pasi kërkojnë të luajnë jashtë,” tha Mamay, përcjell albinfo.ch.
Sipas ligjit zviceran, azilkërkuesit duhet të presin deri në 60 ditë. Kurdët kanë ardhur për një jetë më të mirë në Zvicër, ndërsa gazetari vlen si kritik i qeverisë së Erdoganit – bile është dënuar nga gjykata me gjashtë vjet e tre muaj burg. Ai iku nga vendlindja në Siri, më pas drejt Afrikës Jugore dhe më vonë në Zvicër.
Gjatë 2015 azil në aeroportet zvicerane kanë kërkuar 247 persona, kurse në 2018 ishin 89 sosh. Azilkërkuesit kanë në dispozicion një mjek, kurse mund të shëtisin lirshëm në zonën e tyre – duke pasur një dalje edhe në terrasë.
Shansat për të fituar azil në Zvicër nuk janë të mëdha. Nëse ndokush fiton azilin ata ndërkohen nëpër kampet e azilit, ndërsa në rast se refuzohen, atëherë ata dëbohen drejt vendeve nga kanë ardhur.
Të ngjashme
Të tjera nga Tematike
E-Diaspora
-
Gjuha shqipe në Zvicër, tema qendrore e numrit më të ri të revistës albinfo.ch Numri më i ri i revistës albinfo.ch, i cili nga sot është në duart e lexuesve,...
-
Itali
Arrestohet shqiptari në Itali, kishte mbi 1 kg kokainë në makinë
-
Panairi Gjergj Kastrioti Skënderbeu, bashkon më shumë se 100 shoqata në Nju-Jork
-
Një shqiptaro-zvicerane ambicioze, në Kancelarinë Federale të Zvicrës
-
Thun
Jehon kënga e vallja shqipe në sheshin e qytetit Thun
Jeta në Zvicër
-
Sulmuesi i talentuar shqiptar vazhdon kontratën me FC Zurich Futbollisti me prejardhje shqiptare, Labinot Bajrami, vlerësohet një prej sulmuesve më perspektiv në Zvicër. 18-vjeçari ka...
-
Maratona e Gjenevës në fundjavë, shumë rrugë do të mbyllen
-
Debati në Zvicër për pagat minimale
-
Komisioni i Këshillit Kombëtar ngadalëson financimin e pensionit të 13-të të AHV-së
-
Gjuha shqipe në Zvicër, tema qendrore e numrit më të ri të revistës albinfo.ch