Futbolli Shqiptar në Zvicër

Fitore e madhe për FC Besa Biel

Golat për skuadrën shqiptare i shënuan Arton Rafuna dhe Bujar Eljezi

E diel, 28 Tetor 2018 - 10:30 albinfo.ch

Skuadra shqiptare FC Besa Biel po vazhdon me suksese në Zvicër. Kjo skuadër garon në Ligën e Dytë Regjionale të Kantonit Bernë/Jura, shkruan albinfo.ch.

Besa të shtunën arriti fitore të madhe, duke mundur liderin Kirchberg, me rezultat 2:1.

Golat për skuadrën shqiptare i shënuan Arton Rafuna dhe Bujar Eljezi, duke i dhuruar tri pikë shumë të rëndësishme.

Tashmë FC Besa Biel dhe Kirchberg kanë grumbulluar nga 22 pikë pas dhjetë xhirosh, me shtatë fitore, një barazim dhe dy humbje.

Në xhiron e radhës, Besën e pret edhe një ndeshje shumë të rëndësishme, ku do të ndeshen me Courgenay, që ndodhet në vendin e tretë me vetëm një pikë më pak në tabelë. Kjo do të jetë ndeshja e fundit për këtë sezon dhe më pas skuadrat do të shkojnë në pushim deri në prill të vitit të ardhshëm.

Rezultatet dhe tabela