Në Bernë mbahet konferenca vjetore e EKM/CFM

Konferenca Vjetore e Komisionit federal të migrimit CFM, që do të mbahet më 8 nëntor 2018, në Kursaal të Bernës, do të fokusohet gjithashtu në temën “Rimendojeni shtetin”. Kësaj here do të theksohen çështjet e pjesëmarrjes, të drejtave politike dhe të qytetarisë. Për shembull: Çfarë nënkupton kombësia në një shoqëri shumë të lëvizshme, në të cilën gjithnjë e më shumë qytetarë kanë më shumë se një pasaportë, transmeton Albinfo.ch.

Mendimi dikotomik – këtu Zvicra, atje të huaj – a ka ende ndonjë kuptim kur rreth një e katërta e zviceranëve kanë shtetësi të dyfishtë? Cila lloj pjesëmarrje është e hapur për ata që jetojnë në Zvicër, por nuk kanë një pasaportë të kuqe me kryq të bardhë?

Pjesa e parë e kësaj konference do të përqëndrohet në çështjet e “përkatësisë”. Matteo Gianni nga Universiteti i Gjenevës do të shohë se kush mund të konsiderohet pjesë e shoqërisë sonë dhe çfarë do të thotë të jesh qytetar në Zvicër.

Joachim Blatter nga Universiteti i Lucernit do ta shtjellojë thellësisht subjektin e shtetësisë së dyfishtë me mundësitë dhe rreziqet e saj, dhe Stephanie Leu, anëtare e Këshillit të zviceranëve jashtë vendit, do të ballafaqohet me temë nga perspektiva e zviceranëve që jetojnë jashtë vendit.

Pjesa e dytë e ditës do t’i kushtohet “pjesëmarrjes dhe bashkvendimit”. Rreth një e katërta e banorëve të Zvicrës punojnë dhe paguajnë tatime, por të drejtat e tyre politike janë të kufizuara, informon Albinfo.ch. Cilat janë rrugët që duhen ndjekur për të korrigjuar këtë margjinë në aspektin e demokracisë?

Teoricienët dhe personat në terren si Anna Goppel nga Universiteti i Bernës, Bernard Macret nga qyteti Grenoble, Fabian Schnell nga Avenir Suisse dhe Mithra Akhbari nga Institui Nouvelle Suisse, do të diskutojnë se si të vendoset që të jetë e mundur, përmirësimi i pjesëmarrjen politike për të gjithë.