Kosova
Rishfaqet Shefqet Krasniqi, mban ders në Xhaminë e Madhe
Edhe pse temperatura në Prishtinë shënon 5 gradë celsius, kjo nuk ka ndalur besimtarët që të shkojnë në Xhaminë e Madhe për të ndjekur ligjëratën e Shefqet Krasniqit.
Qindra persona kishin zënë vend brenda Xhamisë së Madhe, por qindra të tjerë kishin mbetur jashtë saj për të dëgjuar dersin e Krasniqit.
Disa në këmbë, disa të ulur, dëgjonin Krasniqin përmes zmadhuesve të zërit që ishin të vendosur në muret e xhamisë.
Ligjërata e parë e Krasniqit pas katër vjet e gjysmë nisi me derën hapur të xhamisë, e cila ishte e bllokuar nga të pranishmit që nuk mund të hynin brenda.
Shefqet Krasniqi, imami i arrestuar e më pas i liruar nga gjykata si i pafajshëm, ka nisur ligjëratën pas namazit të Jacisë, me një përshëndetje për të pranishmit.
“Nga qershori 2014, Allahu ka dashtë që mos me u ulë në këtë xhami por ja që sërish me emrin e Allahut jemi bashkë sërish. Faleminderit kryetar e xhemat për krejt lutjet e mbështetjen, kjo e është shenjë e fortë qe e kemi ruajtë dinin. Kthehemi në temë se shumë ujëra kanë kaluar ndër urë qe 4 vite e gjysmë” ka thënë Krasniqi.
Pas mesazhit për rikthimin e tij në ligjëratat në xhami Krasniqi ka vazhduar me ligjëratën e tij të lënë në vitin 2014.
Shefqet Krasniqi ka shpjeguar për KALLXO.com se ka bërë kërkesë në Këshillin e Bashkësisë Islame në Prishtinë për t’u rikthyer dhe se Këshilli i BIK e ka miratuar kërkesën e tij.
“Këshilli i Bashkësisë Islame në Prishtinë e ka aprovuar kërkesën time. Ndërsa këtë e ka miratuar edhe myftiu Naim Tërrnava”, theksoi Shefqet Krasniqi.
Shefqet Krasniqi tha se në Xhaminë e Madhe do të ligjërojë një herë në javë, siç ka ligjëruar më herët.
Katër vjet e gjysmë më parë, imamit Shefqet Krasniqi i ishte ndaluar ligjërimi në Xhaminë e Madhe, pasi që ai do të duhej të përballej në Gjykatë me akuzat e ngritura ndaj tij.
Në tetor të këtij viti, KALLXO.com raportoi se Gjykata e Apelit e ka vërtetuar vendimin e Gjykatës Themelore të Prishtinës me të cilin ish-imami i Xhamisë së Madhe në Prishtinë, Shefqet Krasniqi, ishte shpallur i pafajshëm në akuzat për nxitje të urrejtjes, shtytje për terrorizëm dhe shmangie nga tatimi.
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
-
Paris
Paris: Sukses i madh i filmit “Tashko & Koço”
Jeta në Zvicër
-
Nëntë kilometra bllokim trafiku përpara tunelit Gotthard Të shtunën ka pasur sërish bllokim trafiku para portaleve të tunelit Gotthard. Udhëtarët duhej të prisnin...
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve
-
Transmetuesit publikë zviceranë tërhiqen nga X/Twitter