Borchardt për reformën zgjedhore: Përdorimi i teknologjisë do kohë

Ambasadori i OSBE-së në Shqipëri, Bernd Borchardt, ka deklaruar se puna për reformën zgjedhur nuk ka ndaluar, pavarësisht se KQZ-ja ka nisur përgatitjet për zgjedhjet lokale 2019.

Ai theksoi se ka disa probleme që duan kohë për zgjidhje, duke marrë shembullin e teknologjisë në procesin e votimit.

“Jam i lumtur kur dëgjova nga kryetari i PD-së se kjo parti është e gatshme të vazhdojë punën në Komisionin e Posaçëm për Reformën.  Duhet pasur parasysh se pavarësisht këtyre, puna po vazhdon. Ka disa gjëra që mund të zgjidhen në moment të fundit, por ka disa gjëra të tjera që kërkojnë më shumë kohë. Siç do ishte përdorimi i teknologjisë të reja të votimit që kërkon kohë më të shtuar”, ka theksuar ambasadori.