UEFA: A është Shaqiri, më i miri në Ligën e Kombeve?

Futbollisti shqiptar ka shkëlqyer në Ligën e Kombeve me Zvicrën

Faqja e UEFA 2020, ka postuar një video të futbollistit Xherdan Shaqiri dhe ka pyetur nëse ai është lojtari më i shkathtë në Ligën e Kombeve.

Shaqiri shkëlqeu në ndeshjen e fundit të Zvicrës ndaj Belgjikës, me dy asistime dhe një paraqitje të jashtëzakonshme, shkruan albinfo.ch.

Futbollisti shqiptar kishte treguar paraqitje të mira edhe në takimet tjera, duke qenë ndër futbollistët kyç të Zvicrës.

Nati ishte e para në vendin e saj në Ligën e Kombeve, para Belgjikës dhe Islandës, duke u kualifikuar në gjysmëfinale.

Në gjysmëfinale janë kualifikuar edhe Holanda, Portugalia dhe Anglia, ku në mars zhvillohet ‘Final-Four’. Fituesi merr trofeun e Ligës së Evropës dhe kualifikohet në Kampionatin Evropian.

---