Bota
SHBA po rrezikon sigurinë
Rusia ka thënë se ka pranuar njoftimin zyrtar nga Uashingtoni se Shtetet e Bashkuara synojnë tërheqjen nga një marrëveshje për armë bërthamore, nëse Moska nuk i kthehet zbatimit të plotë të saj.
Zëdhënësja e Ministrisë së Jashtme ruse, Maria Zakharova, tha se njoftimi zyrtar përmend dëshmi të paspecifikuara për shkelje të supozuara të Traktatit të Forcave Bërthamore me Rreze të Mesme nga ana e Rusisë.
“Pala ruse ka deklaruar vazhdimisht se këto janë spekulime. Asnjë dëshmi që mbështet qëndrimin e Amerikës nuk na është prezantuar”, tha Zakharova.
Ajo tha se Rusia e ka respektuar gjithmonë traktatin dhe se e konsideron atë si “një nga shtyllat kryesore të stabilitetit strategjik dhe të sigurisë ndërkombëtare”.
Valery Gerasimov, shef i shtabit të përgjithshëm të forcave të armatosura ruse, tha se tërheqja e SHBA-së nga traktati “do të ishte një hap i rrezikshëm që do të mund të ndikonte negativisht jo vetëm në sigurinë evropiane, por në të gjithë stabilitetin strategjik”, shkruan REL, përcjell albinfo.ch
Komentet e Zakharovas dhe Gerasimovit vijnë një ditë pasi sekretari amerikan i Shtetit, Mike Pompeu, tha në një takim të NATO-s në Bruksel se Uashingtoni do ta braktisë traktatin e vitit 1987 pas 60 ditësh, nëse Moska nuk i çmonton raktetat që SHBA konsideron se përbëjnë shkelje të marrëveshjes.
Traktati SHBA-Rusi, i cili daton nga Lufta e Ftohtë dhe ka eliminuar një klasë të tërë të raketave nga Evropa, konsiderohet kyç për stabilitetin strategjik mes Uashingtonit dhe Moskës.
Të ngjashme
Të tjera nga Bota
E-Diaspora
-
Belgjikë: Arrestohen disa shqiptarë për këto motive Me kërkesë të prokurorisë publike dhe policisë, shërbimet komunale të Olen në Belgjikë çmontuan një plantacion...
-
Gjermani
Humb jetën tragjikisht mërgimtari në Gjermani
-
Gjermani
Dy shqiptaret që morën vëmendje gjatë ndeshjes Bayern Munich-Real Madrid në Allianz Arena
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
Jeta në Zvicër
-
McDonalds do të hapë shtatë restorante të reja në Zvicër këtë vit Gjiganti amerikan i ushqimit të shpejtë McDonald’s planifikon të hapë shtatë lokacione të reja në Zvicër...
-
Zvicër: Së shpejti pritet ulje e çmimit të faturave të energjisë elektrike
-
10 muaj burgim me kusht për kosovarin, shantazhoi burrat
-
Inteligjenca artificiale ndihmon në vlerësimin e rrezikut të ortekëve në Zvicër
-
Zviceranët, gjithnjë e më të pasur