Astronomët zbulojnë mbi 100 eksoplanetë

Astronomët, duke përdorur teleskopët hapësinorë dhe tokësorë, kanë zbuluar mbi 100 eksoplanetë. 

Sipas lajmit të ScienceDaily, një ekip ndërkombëtar në Qendrën e Astrobiologjisë në Institutin e Shkencave Kombëtare Natyrore dhe Universitetin e Tokios, duke i përdorur teleskopët hapësinorë dhe tokësorë brenda 3 muajve kanë zbuluar 104 eksoplanetë. 

Gjatë hulumtimit astronomët kanë ekzaminuar 227 kandidatë, nga të cilët vetëm 104 dolën se janë me të vërtetë eksoplanetë. 

Shtatë nga këta eksoplanetë kanë lëvizje orbitale shumë të shkurtra që zgjasin më pak se 24 orë, ndërsa thuhet se koha e formimit të këtyre eksoplanetëve ende është e paqartë.