Shkurt.ch
Kërkoi vetëdrejtësi për kosovarin, nëpunësi zviceran afër largimit nga puna
Daktilografi i Komunës Boswil AG, Daniel Wicki, në mediat sociale ka propaganduar kundër refugjatëve. A është kjo është arsyeja që ai së shpejti do të largohet nga puna e tij?
Propaganda kundër refugjatëve në Facebook dhe Twitter mund t’i kushtojë me largim nga puna nëpunësit të Komunës Boswil, Daniel Wicki. Edhe kërkimfalja e tij publike duket se nuk do t`i ndihmojë, shkruajnë mediat zvicerane, përcjell Albinfo.ch.
Deri më tani, mbi 1000 persona kanë nënshkruar një peticion të Partisë SP nga Aargau, me të cilën ajo kërkon largimin e tij nga puna.
Këshilltari kombëtar nga Aargau i PS-së, Cédric Wermuth, është i kënaqur me numrin e lartë të nënshkrimeve dhe nuk e ka befasuar: “Kjo është një çështje që i prek njerëzit”.
Kishte edhe njerëz të cilët janë duke shqyrtuar mundësinë e një kallëzimi penal ndaj tij. Se si do të vazhdojë më tej procedurën SP nga Aargau, mbetet ende një çështje e hapur: “Shqetësimi ynë ishte të japim shenjë”.
Nuk mund të pranojmë që një person publik në këtë pozitë, të sillet në këtë mënyrë, ka pohuar Wermuth, transmeton Albinfo.ch.
“Unë mendoj se Daniel Wicki nuk e kishte të qartë se si duhet të prononcohet si daktilograf komunal për çështje të caktuara”. Përsëri dhe gjithnjë, Wicki në të kaluarën ka propaganduar kundër refugjatëve. Kështu, ai kërkoi dënim me vdekje për një azilkërkues që kishte përdhunuar një grua në Gjermani. Në rastin e një kosovari i cili kishte kryer një plaçkitje në vitin 2017, ai gjithashtu bëri thirrje për vetëdrejtësi.
Zyra e prokurorit publik në Aargau nuk ka ndërmarrë hetime në këtë rast. Nuk ka pasur asnjë denoncim e asnjë dyshim, në bazë të të cilit do të mund të përfshiheshin hetimet, njofton Albinfo.ch.
“Në lidhje me diskriminimin racial, arritëm në përfundimin se asnjë racë, përkatësi etnike apo fetare, por azilkërkuesit në përgjithësi janë diskredituar, gjë që nuk mbulohet nga faktet e diskriminimit racial”.
Nga ana tjetër, Komisioni Federal kundër Racizmit e vlerëson ndryshe këtë veprim. Deklaratat e Wickit janë problematike dhe diskriminuese. “Deklaratat që përbëjnë nxitje për azilkërkuesit dhe përfshirjen e një thirrje për vetëdrejtësi janë të papranueshme – veçanërisht nëse autori është një anëtar i personelit administrativ me një pozicion të lartë në komunë”, thonë nga ky komision.
Der Gemeindeschreiber von #Boswil ruft auf Facebook zur Erschiessung von Flüchtlingen auf. So eine Person ist einer Kaderposition der Verwaltung nicht tragbar. Wir fordern vom Gemeinderat Boswil die Entlassung des Gemeindeschreibers.https://t.co/EgaCK6DWQS
— Cédric Wermuth (@cedricwermuth) December 6, 2018
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve