Studentët në Shqipëri përplasen me policinë  

Tentativa e studentëve protestues në Tiranë për të rrethuar Kryeministrinë ka sjellë një përplasje me policinë, shkruan albinfo.ch

Kjo e fundit nuk ka lejuar një grup studentësh për të bërë këtë lëvizje, ndërsa nuk kanë munguar as përplasjet. Por fal ndërhyrjes së një grupi tjetër studentësh, situata pas disa minutash është qetësuar. “Jemi në protestë paqësore, nuk duam dhunë”, kanë thënë studentët.

Ata janë të vendosur për të mos negociuar asnjë nga 8 kërkesat e tyre. Pavarësisht ftesave të vazhdueshme të kryeministrit Rama nëpërmjet profilit të tij në rrjetet sociale, studentët e grumbulluar para Kryeministrisë nuk kanë ndërmend të bëjnë asnjë hap pas në raport me atë që kërkojnë që nga dita e parë e reagimit të tyre.