Njeriu në mars, nuk është ide e mirë

Njëri nga njerëzit e parë që ka udhëtuar në Hënë thotë se plani për misione në Mars me ekuipazh njerëzor nuk është “ ide e mençur”.

Astronauti Bill Anders, pilot në modulin lunar të Apollo 8, fluturakes së parë me njerëz që ka dalë jashtë nga orbita e tokës, tha se dërgimi i njeriut në Mars është “pothuajse qesharake”. 

Komentet e tij kanë të bëjnë me paralajmërimet e NASA-s se është duke planifikuar mision me njerëz në Mars. 

Në një intervistë me Radio 5 të BBC, 85 vjeçari Anders tha se është një përkrahës i madh i programeve pa njerëz, sepse kanë çmim shumë më të vogël, për të shtuar se përkrahja e publikut nuk do të thotë se NASA do të duhet të financojë misione me njerëz që kanë çmim të lartë. “Cili është imperativi? 

Çfarë është ajo që na shtynë të shkojmë në Mars? Nuk mendoj se publiku është i interesuar për këtë”, tha Anders i cili akuzoi NASA-n se është e ngurtë, shkruan albinfo.ch

“NASA është shndërruar në një program punësimi, shumë nga qendrat janë kryesisht të interesuara për të qenë të zënë me punë, për çka mungon mbështetja e publikut, punëtorët marrin pagën e tyre dhe bëhet rizgjedhja e kongresistit të tyre”, tha ai.